Meksika
.svg) |
||
| Paytext | Meksiko City | |
| Bacarê tewr gırdi | Meksiko City | |
| Zıwan | İspanyolki | |
| Hukmat | Federasyon | |
| Erd | ||
| - Pêro-pia | 1.972.550 | |
| - % awe | (%) 2,5 | |
| Nıfus | ||
| - Pêro-pia | 107.449.525 | |
| - Sıxletina nıfusi serê km² | 54,3/km² | |
| Yewina Perey | Peso (MXN) |
|
| Warey Saete | (-6) - (-8) | |
| Kılmkerdışê pela interneti | .mx | |
| Kodê têlefoni | +52 |
|
Meksika yew dewleta qıta Amerikawa. Cayê xo zımey qıta Amerika dero. Zımey (Şımalê) Meksika de Dewletê Amerikaê Yewbiyaey; veroc (cenub) de Guatemala; rocawan (ğerb) de Okyanuso Pasifik; rocvetış (şerq) de Oyanuso Atlantik estê. Paytextê xo Meksiko Cityo. Meksika eyaletan ra yena pêra (mıteşekkıla). 31 eyaletê xo estê. Meksika ezaya Mılliyetanê Yewbiyaiyan (UN) u NAFTA'ya.
Tedeestey |
[bıvurne] Tarix
Tarixê kıhani de şarê Azteki Meksika de ronışte bi. Ema işğalê İspanyolan ra dıme, Azteki senık mendê. Wextê seserra 15i de İspanyolan Meksika işğal kerda. Leşkerê İspanyoli zaf Azteki kıştê. Meksika 300 serri koloniya (mıstemera) İspanya biya. Serra 1821'i de Meksika xo xoser ilan kerd. Ema serra 1845 – 1948'i de Meksika Cengê Amerika kerd vini u eyaletê xo Texas, Kalifornia, Arizona, Utah, New Mexico, Nevada u Colorado kerdi vini.
[bıvurne] İklim u Suki
İklim u hewayê dewleta Meksika zaf germıno. Çoli tede zafê. Ema sahılê xoyê reğbetkari estê; Cancun yew sahılê do zaf meşhuro. Awa Okyanusi, verê Cancuni de zelal u paka. Xeylê merdumê Amerika her serrı şonê Cancun.
Sukê (Bacarê) Gırdi:
- 1. Mexico city. Nıfus: 19 milyoni
- 2. Guadalajara. Nıfus: 3,9 milyoni
- 3. Monterrey. Nıfus: 3,5 milyoni
- 4. Toluca. Nıfus: 1,9 milyon
- 5. Puebla. Nıfus: 1,8 milyon
Bacarê Mexico City zaf raver şiyo. Tede banê xeylê berzi estê. Mekxiko City bacarê dewizi, paytextê borsa u merkezê iqtısadê Meksikawo.
[bıvurne] Nıfus
Nıfusê Meksika 107 milyono. Mıxtelıf şari tede nışenê ro; %75 Mestizi, %13 Amerindiani, %11 Ewropayıci estê. Dinê şarê Meksika İsewitino/Xrıstiyanino; mezhebê mılletê Meksika Katoliko. Ema dinê Musewitine ra ki mensubi zafê u quwetınê. Tayê Mısılmani ki estê. Zıwano resmi İspanyolkiyo.
[bıvurne] İqtisad
İqtısadê Meksika zaf qewetın niyo. Dewleta Meksika peyser menda. Merdumê Meksika feqireti de cıwiyenê; standardê heyati hewl niyo. Hudıdê Amerika de zaf merdumê Meksika vêrenê ra Dewletanê Amerikaê Yewbiyaiyan; ama şarê Meksika uca de qaçağ xebetiyeno.
