Zazaistan

Wikipediya ra, ensiklopediya xosere

(Redirected from Zazaıstan)

Zazaistan

resm: kıtabê Zılfi Selcani "Grammatik der Zaza-Sprache" ra
Desmale

Desmala Zazana / Dêrsımi
Tırkiya de caê mıntıqa Zazaistani

resm: kıtabê Zılfi Selcani "Grammatik der Zaza-Sprache" ra

Zazaistan welatê Zazayano. Caê xo rocvetışê (şerqê) Anadoliye dero. Na mıntıqa dewleta Tırkiya miyan dera.

Erdê xo hetê zımey rocawani de Zera (Sêvaz) ra hetan zımey rocvetışi de Xınıs (Erzurum) u hetê verocê rocawani de Sêwrege (Rıha) ra hetan verocê rocvetışê Tetwan (Bitlis) miyan de ca gêno.

[bıvurne] Şarê Zazaistani

Şarê Zazaan tewr zêde wılayetanê zey Erzıngan, Tuncêliye, Bingol, Eleziz u zımey Diyarbekıri de cıwiyeno. Zazaistan miyan de tebii ke mıxtelıf mıletê bini ki, zey Kurdan, Ermeniyan, Asuran, Tırkan estê.

[bıvurne] Tarixê Zazaistani

Tarixo khan de tewr verênde welatê Zazaan rê Zazana vaciyao.

Mabênê İmparatorina Osmanıcan u dewleta Tırkiya de namey cı Dêsım biyo. Erdê Dêsımi o wext de daêna hera biyo, yanê erdê Mamekiya (Tuncêliya) ewroêne ra gırd biyo. Labelê semedê lecan ra mıleto Zaza dormey Dêsım u wılayetanê Tırkiyaê binan de biyo vıla. Hukmatê Tırkiya namey Dêsımi vurno, kerdo "Tunceli" u no suka Mamekiye ra.

Na çekuya "Zazaistan"i nameyê do neweyo. Hetê resmiyeti ra dewletê da Zazaistani çıniya. Tewr verên Ebubekir Pamukçuy çekuya Zazaistani pêserokanê Piya u Raya Zazaistani de, yew ki kıtabê xoyo Tırki "Dersim-Zaza ayaklanmasının tarihsel kökenleri" de be kar ardo.