Jean-Marie Le Pen

Wikipediya ra ensiklopediya xosere
Jump to navigation Jump to search
Jean-Marie Le Pen
Jean-Marie Le Pen 479834203 5030701e77 o.jpg
Karê cı Siyasetkar
Biyayış 20 Heziran 1928 (1928-06-20) (90  )
Ca Bretonya, Fransa

Jean-Marie Le Pen (Heziran 20, 1928 Bretonya, Fransa) yew siyasetkaro de Fransızo ke serra 1928 de Bretonya de maya cı ra biyo u liderê Cepheyê Nasyonaliyo[1][2][3][4][5][6]. Le Pen Bretonya de yew suka ke deryay ra nezdiya de biyo. Karê pi ho mase pê gırotış biyo u pi ho Cengê Cihaniê II. de mayın paynayo u uca de merdo. O vato ki o yew katoliko de romano[7]. Serra cıyê 14. de sey mendo. Zaf mıxtelif mektebi şiyo u karakterê cıyê pêrodayışi ra mektebê ho vurno. Cengê Cihaniê II. de hereketê hoverdayışê Fransızi kewto. Ceng ra dıme Universıta Parisi de hukuk wendo. O wext Cengê Hindoçiniê I. veciya u seba ordi kewtene şiyo Vietnam. İnca de qazeteyê ordi de xaptiyo. 1956 de seba Krizê Suweyşi de pêro dayene şiyo Mısır ema wexto ke o şı Mısır, ceng peyni grewto. Bahdo serra 1954ıne de seba pêrodayene şı Cezayir u inca de tayê hereketê zulmkerdışi de engıştê ho biyo. Wexto ke memleketê ho peyser ameo, musayışê ho qadiyo u biyo mezun. Universıte rê seba mezuniyet tez dayo u namê tezê ho Le courant anarchiste en France depuis (Fransa de hereketê anarşizm) biyo. Serra 1960ıne de ebe Pierrette Lalanne ra veyve kerdo (zeweciyao) u seba 27 serran mendo zewecna. Eno veyve (zewec) ra hiri keynekê ho u new torunê ho biyê. Serra 1987ıne de veyve (zewecê) ho peyni diyo. Cêniya ho Lalanne seba ho rê zerar dayene yew siteyê Playboyi rê pozê akerdi (mustehceni) daya. Serra 1991ıne de cêniya ke rıstımê ho Yunana Jeanne-Marie Paschos ra veyve kerdo.

Kariyerê cıyê politik[bıvırne | çımey bıvırne]

Le Pen 1956 de kewto politika u Meclısê nasyonali rê weçniyao. Serra 1957 de Cepheyê Nasyonali de biyo sekreterê pêroyi. Serra 1965 de kampanyayê liderê zafraştkaran Jean-Louis Tixier-Vignancouri de xaptiyo ema Tixier-Vignancour weçınitış vini kerdo. Serra 1974 de weçinıtış rê kewto ema tenya se de howtay u çeharê reyan dayo. Serra 1976ıne de suka Parisi de cı rê yew atakê bomba biyo ema cı rê çi nêbiyo. Serrê 1970un ra dıme Fransa rê goçi zaf biyê u namdariya Le Peni zaf aver veciya u o biyo populer. Serra 1984ıne de Parlamentê Ewropa de %10ê reyan dayo u ebe 35 tenan ra kewto parlemento ema hem (eyni) serre de Cepheyê Nasyonali de yew erdlerz biyo. Zama Le Peni Bruno Megret Le Pen pi ho rê pêrdayış akerdo u bahdo parti ra biyo ixraç. Erdlerz ra dıme parti reyê ho vini kerda. Parti serranê 1984 u 1999 de seba dı kezi Parlamentê Ewropa weçniya. Parti serranê 1974, 1988, 1995 de zi weçinıtışan rê kewta ema çi qezenç nêkerda. Le Pen serra 2002ıne de newe ra weçınıtışan kewto u se de des u şeş (%16)ê reyan dayo u kewto parlamento. Ema turê 2. de reqibê ho Jacques Chirac yew kampanyay gırd kerdo u se de heyştay u dı (%82)ê reyan dayo u biyo yewıne. Serra 2007ıne de partiya ho Cepheyo Nasyonal se de des (%10)ê reyan dayo u biyo çeharıne (4). Serra 2011ıne de kongreyê cepheyê nasyonali de lideriya parti keyneka ho Marine Le Pen rê dayo.[8]

Referensi[bıvırne | çımey bıvırne]

  1. http://www.assemblee-nationale.fr/sycomore/fiche.asp?num_dept=7607#biographie
  2. http://www.lepoint.fr/actualites-politique/2007-01-22/le-pen-histoire-d-une-revanche/917/0/62394
  3. http://www.legifrance.gouv.fr/affichJuriJudi.do?oldAction=rechJuriJudi&idTexte=JURITEXT000007069055&fastReqId=2023012486&fastPos=1
  4. http://tempsreel.nouvelobs.com/politique/20091204.OBS9711/une-petite-fille-de-jean-marie-le-pen-se-lance-en-politique.html?idfx=RSS_notr&xtor=RSS-17
  5. http://www.ina.fr/?vue=notice&from=fulltext&full=le+pen+%E9lection&cs_page=1&cs_order=0&num_notice=8&total_notices=489
  6. http://www.ina.fr/video/CAC97144156/tout-images-le-pen-jugement-video.html
  7. http://www1.rfi.fr/francais/actu/articles/081/article_45894.asp
  8. http://www.hurriyet.com.tr/dunya/16772824.asp?gid=373