Receb Tayyib Erdoğan

Wikipediya ra ensiklopediya xosere
Jump to: şiyayış, Cı geyre
Receb Tayyib Erdoğan
Recep Tayyip Erdogan 2010.jpg
Dewlete  Tırkiya
Karê cı Serekwezir, Reisicumhur

Receb Tayyib Erdoğan 26ê Şıbata serra 1954ıne de Kasımpaşa / Estemol de ameyo riyê dınya. Nıka serekwezirê dewleta Tırkiyayo û serekê Partiya Edalet û Raverşiyayışi (Adalet ve Kalkınma Partisi)yo. Dı demi nê wezifê xo kerdi, yanê hıkumetê demê 59ıne û demê 60ıne Receb Tayyib Erdoğani nay ro. Welatê xo Rizeyo, feqet o Estemol / Beyoğlu de ameyo dınya û Estemol de biyo pil. Be xo yew raye vato ke Gurciyo, keyeyê xo Batum ra ameyo Rize, labelê raya bine vato ke eslê xo Tırko.

Serrê verêni[bıvurne | çımey bıvurne]

Receb Tayyib Erdoğan lacê Ahmet û Tenzile Erdoğane rê Estemol de ameyo riyê dınya.

Wendışê xo[bıvurne | çımey bıvurne]

Mektebo verên Kasımpaşa Piyale İlkokulu de, lise zi İstanbul İmam Hatip Lisesi de qedênay. Serra 1973ıne de İmam Hatipi ra bi mezun. Ê serran de mezunê İmam Hatipan nêkewtêne universıte, coka Tayyib Erdoğani tebera derse gırewte û dıma Eyüp Lisesi ra diplomayo bin gırewt. Dıma kewt Marmara Üniversitesi İktisadi İdari Bilimler Fakültesi û serra 1981ıne de o zi qedêna.

Wextê siyasetkerdışi[bıvurne | çımey bıvurne]

Partiya Edalet û Raverşiyayışi[bıvurne | çımey bıvurne]

Wexto ke Partiya Fezileti (Fazilet Partisi) qapan biye, wekilê komê na partiye biy vıla. Dı hetan miyan ra hetê yewi newedar (yenilikçi) hetê yewi zi kıhandar (gelenekçi) name gırewt. Tayyip Erdoğan hetê newedaran de bi. O ra tepiya serra 2001ıne de Erdoğani Partiya Edalet û Raverşiyayışi (Adalet ve Kalkınma Partisi) nayê ro. Weçinıtışê 3ê Tışrinê Peyênê serra 2003ıne de ebe Partiya Edalet û Raverşiyayışi ra tenya hıkumet nawa ro.