Erebi

Wikipediya ra ensiklopediya xosere
Jump to: şiyayış, Cı geyre
Erebi
عرب‎
Amaro pêroyi
350-500 milyon
Cayanê binan de amar
Liga Ereban, Fransa, DAY
Zıwani
Erebki
Dini
İslam, Xıristiyaniye u ê bini
Grubê şaranê bestiyayeyan
Berberi, Cıhudi, Durzi

Erebi (zıwanê xo dı: عرب‎) yew şaro Semitkiyo u vêşêr zımey Afrika u Rocvetışê Miyani dı weşiya xo rameno, namey oyo. Herabiyayışê İmperatoriya Erebi ra ver, namey Erebi tenya şarê kı miyanê miyan u dormey Erebıstani u Çolê Suriya miyan dı cıwiyêne, inan rê vatêne. Ewro namey Erebi merdımê ke dewletanê Erebi dı cıwiyenê, inan rê vaciyeno. Enê dewletê Erebi kewtê têmiyan, biy yewi u inan Liga Ereban vıraşta. Ewro namey enê vist u dı dewletê Liga Erebi wıni benê rêze; Cezayir, Behreyn, Komori, Cibuti, Mısır, Iraq, Urdun, Quweyt, Lubnan, Moritanya, Marok (Fas), Uman, Fılistin, Qeter, Erebıstanê Seudi, Somalya, Sudan, Suriya, Tunıs, Yewiya Emiranê Ereban u Yemen. Cayanê binan dı zi Ereban diaspora xo vıraşta, dewletan u Erebê diaspora pêro piya bunya xo dı 450 milyon merdımi kırışenê, gênê xo miyan.[1]

Şarê Erebi enê dewletan dı, heta Okyanuso Atlantik ra rocvetış dı Deryay Erebi, zımey dı Deryao Miyanên ra veroc dı miyanê Afrika yew cayo gırd dı, 13 milyon km² ra gırdêr herran dı cıwiyenê. Enê cayan dı Erebi hetê etnik, linguistik, kulturel, tarixi, kamiye, cêografiki u politiki ra yewbinan ra bestiyay, heto bin ra zi zıwan, mimari, huner, literatur, muzik, dans, medya, nanweri, kıncş, komi, spori u mitoloci ra yew kultur motnenê.

Name[bıvurne | Çımey bıvırnê]

Demanê verênan dı raver namey Erebi çımeyanê Asuran dı vêreno. Asurıcan merdımê Semitkiyê kı Erebıstan dı weşiya xo ramenê u goçebeyê, inan rê Ereb vato, wıni name kerdo. O taw Asurıcan inan rê Arabaya vato, no name dıme ra vıriyo, biyo Ereb.

Referansi[bıvurne | Çımey bıvırnê]