Heqê LGBTy

Heqê LGBTi heq u hıquqê ke merdımê hemcınsbaz (gey u lezbiyen), biseksuel ya zi transgenderi genê xo miyan, namey eyo. Heqê merdımê LGBTi ca be ca vıriyenê, her ca de yewbini nêtepışenê. Tayê dewletan de heqi estê zey zewecê hemcınsbazan u yewiya medeni, tayê cayanê binan de zi hemcınsbazan rê cezay kıştışi esta. Qanunê ke merdımanê LGBTi sero vıraziyayê, wayirê qıc u domani biyayışi, heqê goçkerdışi, heqê eskeriya rê kewtışi, heqê diskriminasyoni, heqê sucê nefreti, sodomiye u heqê qanuni ver de hem amariyayışi, inan ra yenê pêra.

Mıletê Yewbiyayey, serra 2011ıne de deklarasyon ilan kerdo ke merdumê LGBTy sero diskriminasyon, cırakerdış u cıraamardış, sucê nefreti, hemcınsbazan rê cezadayış u şıdetmocnayış kewnê/kunê zerrekê cawıtış u ixlalê heqanê merduman u gereke ke heq u hıquqê hemcınsbazan bısevekniyê, bıpawiyê u inan sero rapor bıvıraziyo.^[1]^[2] Ewro des u heşt dewletan de zewecê hemcınsbazan esto.

Cihan de heq u hıquqê merdumê LGBTy

Tarixê Hezirane 26 2015i ra nat, des u heşt dewletê cihani de tenê hemcınsbazi şenê bızewecê yani hemcınsbazan ra zewec esto. Namê enê dewletan: Arcantin, Belçıka, Brezilya, Kanada, Danimarka, Fransa, İslanda, İspanya, Luksemburg, Hollanda, Zelanda Newiye, Norwec, Portekiz, Afrikaya Veroci, İswec u Dewletê Amerikayê Yewbiyayey and heto bin ra taê cayanê ke bınê enê dewletan de manenê, inan de zi zewecê hemcınsbazan esto.^[3] Desto bin ra zi, hewt dewleti de zi hemcınsbaziye rê cezaya kıştene esta. Namê enê dewletan: Erebıstanê Seudi, İran, Efğanıstan, Sudan, Moritanya, Yemen u Bruney.^[4]

Referansi

Bewnên

[1] ttp://www.huffingtonpost.com/2011/06/17/un-gay-rights-protection-resolution-passes-_n_879032.html

[2] ttp://www.un.org/apps/news/story.asp?NewsID=40743

[3] ttp://www.stuff.co.nz/national/politics/6915784/MP-drafting-gay-marriage-bill

[4] "Archive copy". Archived from the original on 2007-08-12. https://web.archive.org/web/20070812185141/http://www.ilga.info/Information/Legal_survey/summary_information_by_subject.htm.

[1]

[2]

[3]

[4]