Pencabki
Pencabki (be Pencabki: پنجابی; Paṉjābī, پونجابی; puṉjābī) zıwano ke rocvetışê Pakıstani u zımey Hindıstani de qısey beno. Pencabki, ju zıwanê do Hind - Ewropayo, zıwananê Hindkiyan miyan de ca gêno. Eno zıwan, Pakıstan de pê Alfabey Urduki (yanê Alfabey Erebki), Hindıstan de zi pê Alfabey Hindki nusiyeno. Gramerê xo Urduki u Hindki miyan de maneno, her dı zıwanan ra zi nezdiyo. Pencabkiyo ke Pakıstan de qısey beno, bınê tesırê Urduki, Farski u Erebki de zaf mendo u a ri ra oricinaliya xo kemi vıni kerda. Pencabkiyo ke zımey Hindıstani de qısey beno, gorey Pencabkiyê Pakıstani ra deha oricinal mendo. Pencabki he zıwanê Pencabiyano hem zi zıwanê Sixano.
Pencabki, Pakıstan u Hindıstan de zıwano resmiyo. Eno zıwan Pakıstan de Pencab, İslamabad u Keşmiro Azad de be Urdki ra zıwano resmiyo; Hindıstan de zi eyaletê Haryana, Delhi, Chandigarbe, Himachal Pradesh, Jammu & Kashmir, Rajasthan u West Bengali de be Hindki ra zıwanê resmiyo. Pencabki, terefê 102 milyon merduman ra qısey beno.[1] Be nê reqemi ra, Pencabki dınya miyan de zıwano desın gırd beno.[2]
Diyalekto standard[bıvurne | çımey bıvurnê]
Pencabkiyê Lahori, zıwanê Pencabki de standard qebul beno.
| Zazaki | Pencabkiyê Hindıstani | Pencabkiyê Pakıstani |
|---|---|---|
| Nuşte | Lekh | Mazmūn |
| Keye | Parvār/Tabbar | Xāndān/Tabbar |
| Felsefe | Darśan | Falsafā |
| Paytext | Rājdhānī | Dār el-Hukumāt/Rājghar |
| Asmênşınasiye | Tārā-vigyān | Falkiyat |
| Ewnayış | Darshak | Nāzrīn |
