Romanki zıwanê inan de 'romani ćhib' zıwanê ma de beno 'zıwanê romanki', yew zıwanê do Hindkiyo, zıwanê Romanano. Xeyli feki cı esti u ca be ca vurino, jübinan ra bin qal beno. Romanki heme cayani ke tede Romani esti, qal beno. Ewro zafi Romanan zıwanê inan kerdi vini u ê zıwanê ke caê ke tede ê cuwınê qal kenê. Romanki zıwanê gruba zıwanê Hind u Ewropa rao. Rıstımi/Koki Romanan mıntıqa Hindıstani rao, na ri ra zıwanê Romanan be zıwanê Hindki ra nezdio. Zıwanê Romank, zıwananê Sırbki (Sırbıstan de), İspanyolki (İspanya u Portekiz de), Arnawutki (Arnawudiye de) xeyli vatey gıroto. Tay diyalekti zıwanê Romanki esti u name inan Vlakski 900,000 qalkerdoği cı esti mıntıqa veroci Ewropa de qal beno, Balkan 700,000 qalkerdoği cı esti u mıntıqa Tırkiya (Yunanıstan ki esta) de qal beno u diyalekto peyên Carpathian mıntıqa Romanya de qal beno, 500,000 qalkerdoği cı esti. Romanki zıwanê Sankristki ra yeno. Zerreki zıwanê Romanki de vatey Yunanki zaf esto, vatey Tırki u Farski zi esti. Resmiyeti zıwanê Romanki çıniyo, ca de zıwanê resmi niyo. Romanki u Rumenki hem (eyni) niyo, Romanki zıwanê aşıqano hama Rumenki zıwanê resmiyo Romanyao. Zıwanê Romanki terefi 2,5 milyon merdıman ra qal beno.[1]
