Hicri İzgören

Wikipediya ra ensiklopediya xosere
Xıl de be pusula Xıl de cıgeyrayışi
Hicri İzgören

A. Hicri İzgören, yew şair u nuskarê Sêwregio. Sera 1950 dı suka Süreg dı marda xü ra biyo.

Xêyatê cı[bıvurne | çımey bıvurnê]

Hicri İzgören mektebê sıfteyını u ê mabêni (wertey) Süregı dı u ê lise zi Diyarbekırı dı (Diyarbakır Ziya Gökalp Lisesi) wendo. Dıma wendenda xü ya lise, dest bı wendenda xü ya Üniwersite kerdo u Diyarbekırı dı Enstitüyê Mısnayenda Qısmê İlmê Sosyal (Diyarbakı Eğitim Enstitüsü Sosyal Bilimler Bölümü) qedeynayo. Wextê maliye dı gürweyayo u dıma dest bı gürweda xü ya mélimey kerdo. Kıtabê ciyê sıfteyını bı namedê Acıyla Diri 1981 dı neşır bi u dıma kıtab vıcya nêvıcya İzgöreni Diyarbekırı dı tepışenê u dıma cı rışenê Kırşehir yanim sırgun. İzgören ewro Diyarbekırı dı mélimey keno.

Dest bı wendenda xü ya Üniwersite uni réhet nêkeno. Çaxo kı kewno imtıhan o bı xü éskero u no qomıtanê xü ra perskeno ka no şeno izın (destur) bigiro u bıkewo imtıhanda üniwersite. Qomıtan vano edo to rê izın bıda. Wextê imtıhani yeno reseno İzgören u çax zi lejê Qıbrısi vıcêno u planê Alpaslan Türkeş zi esto biro Diyarbekır. Yani wext ne wexto u her çi adıro suri serdo. Hıma no İzgöreno u Diyarbekırı dı qaçax kewno imtıhanda üniwersitey u qomıtanê cı emrê tepıştenda cı dırneno u erzeno. İzgören ımtıhani qezenc keno u kewno Diyarbekırı dı Enstitüyê Mısnayenda Qısmê İlmê Sosyal u qedeyneno.

Hal u dırumê kêy Hicri İzgören ina qet rınd niyo u êy nêşenê lace xü bıdê wendenı. İzgören kardê xü yê maliyey dewam keno u hım zi mektebê xü waneno. Dıma Üniwersitey qedeyneno tayınê cı vıcêno Amasya labırê no nêşıno Amasya u Diyarbekırı dı maneno u memureyda xü dıwam keno. Wexto dıma no newedera sere dano mélımey u ser 1979 dı dest bı gürweda xü ya Diyarbakır Ticaret Lisesi dı mélımey keno.

İzgören 1989 ra yo kı nuştey u şiirandê xü nêy pêserok u xezeteyan dı vıcyayê (neşır biyê):

  • Edebiyat 81
  • İmece, Su
  • Oluşum
  • Varlık
  • Temmuz
  • Dönemeç
  • Düşlem
  • Evrensel Kültür
  • Sanat Rehberi
  • Yeni Biçem
  • Yaratım
  • Yom Sanat

Kıtabê cı[bıvurne | çımey bıvurnê]

  • Acıyla Diri, 1981
  • Sessizliğin Sağanağı, 1984
  • Verilmiş Sözdür, 1987
  • Bedeli Ödenmiştir, 1992
  • Ve Öteki (İlk 4 kitabından seçmeler), 1998
  • Suç Duyurusu, 1999

Xeletê (nişanê) kı gırotê[bıvurne | çımey bıvurnê]

  • Tansaş "9 Eylül Şiir Yarışması" Üçüncülük Ödülü (1989)
  • Tayad "Şiirler Yaşamımızdır Yarışması" Üçüncülük Ödülü (1989)
  • Petrol-İş "İnsan Hakları-Ekmek Barış Özgürlük" Şiir Birincilik Ödülü (1989)
  • Mavi Derinlik-Kuşadası Belediyesi Kültür Etkinlikleri Şiir İkincilik Ödülü (1991)
  • 21. Yarımca Altın Kiraz Festivali Şiir Birincilik Ödülü (1992)
  • İsveç Hümanist Enternasyonal Ödülü (Förbundet Humanisterna - Humanistpriset) Şiir İkincilik Ödülü (1992) [1]

Çımey[bıvurne | çımey bıvurnê]