Seyîdxan Kurij

Wikipediya, ensiklopediya xosere ra
Seyîdxan Kurij
Melumato şexsi
Dewlete Tırkiya
Cınsiyet Camêrd
Cayê biyayışi Kurr
Biyayış
Gure Nuştekar

Seyîdxan Kurij (b. 1960, Kur Çewlîg) nuştoxêko kird o. 1960 de dewa Çewlîgî Kur de ame dinya. Goreyî vateyî dadîyî ey, o yan aşma êlule de yan zî aşma çirî de ameyo dinya. Kur, yew dewê ko ya, ha binî yew koyê de ya.

Heyatê ey[bıvurne | çımeyi bıvurne]

Seyîdxanî mektebo verên Kur de wend. 1950 ra pey mekteb amebi dewê Kur. Ey mektebî mîyanin û lise zî Xarpêt de wendî. Beyntarê serranî 1980 û 1984 de ey Bursa de fakulteyê makîna de muhendîsîye wende. Yew serre qezaya Dîyarbekirî Şankuş de awbendê Karakaya de sey muhendîsê makîna xebitîya. Cuwa pey şi Almanya. Almanya de, 1992 de muhendîsîya makîna beşê îmalatî sey muhendîsê berzî qedîna.

1991 ra dima Almanya de almankî, kurmanckî û kirdkî bernameyê radyoyî viraştî. Eynî wext, ey dest bi nustişê kirdkî zî kerd. Heta nika ey folklorê kirdkî ra sanikî, meseleyî, fiqrayî, fablî û vateyê verênan arê kerdî û tayê nuşteyî tadayî kirdkî. Hewna bi tirkî, almankî, kurmanckî û kirdkî roportajî viraştî û meqaleyî nuştî. Nuşte û roportajê ey rojnameyanê sey Azadî, Dengê Azadî, Ronahî, Hêvî, Jîyana Nû, Roja Teze, Roj, Welat, Özgür Gündem, Newepel û kovaranê sey Armanc, Çira, Nûdem, Medya Güneşî, Bîr, Vate û xeylê keyepelanê înternetî de vêcîyay. Rojnameyî Peyama Kurd de bi endamê redaksîyonî û mesulê beşê kirdkî.[1]

Seyîdxanî bi taybetî serewedartişî 1925 (Serewedartişî Şêx Seîd) û Yadîn Mehmûd Ebas (Yado) ser o xebate kerda. Ey no derheq de zaf roportaj viraştî û xebatê cigêrayişî kerdî. Seyîdxan Kurij, endamê Grûba Xebate ya Vateyî yo û serra 1997 ra nat kovara Vateyî de nuseno.

O zewicîyaye yo û yew kêna û yew lacî yi estî.

Kitabê ey[bıvurne | çımeyi bıvurne]

Hetanî nika nê kitabê ey weşanîyayê:

  1. Wayê Hot Birayûn: Sanikan û Deyîranê Çewlîgî ra, Weşanên Arya, Îstanbul, Nîsane 2002, 128 r.
  2. Filît û Gulîzar, Weqfa Kurdî ya Kulturî Stockholmê, Stockholm, 2004, 28 r.
  3. Arwûnçî û Lûy, Enstîtuya Kelepûrê Kurdî Şaxê Duhokî, Duhok 2010, 223 r.
  4. Şeyh Said Hareketi -Tanıkların anlatımı ile-, Weşanxaneyê Lîs, Îstanbul, 2013
  5. Ahmet Say, Ca Yo Ke Tij Ti Ra Bena Vila, Hîkayeyî Çewlîgî, Tirkî ra tadayîş: Seyidxan Kurij, Evrensel Basım Yayın, Îstanbul, 2013, 130 r.

Çimeyî[bıvurne | çımeyi bıvurne]

"Error: no |title= specified when using {{Cite web}}". 


  1. Seyîdxan Kurij (Bîyografî), Zazakî.NET