Hüseyin Aygün

Hüseyin Aygün
Melumato şexsi
Dewlete	Tırkiya
Cınsiyet	Camêrd
Cayê biyayışi	Mamekiye
Biyayış	20 Tışrino Verên 1970
Wendış	Fakultay Hıquqi, Universitey Anqara
Gure	Siyasetkar û Avoqat
Fıkır	Partiya Cumurêtia Şari
Zıwani	Tırki

Hüseyin Aygün 1970ine de dewa Mamekiye Pulê Dewrêsu de ame dınya. Mamekiye sûkê da Dêrsımia. Mektebo verên, mektebo wertên u lisa Mamekiye de wend. Dıma mektebo berz Universıtey Anqara de mektebê hıquqi wend.

Serra 1998ine de geyra Mamekiye, heta nıka uca avukatine keno. Heto bin ra ki şeveknaoğê heqa insanio. Zeweciyaeo; dı domanê xo estê. Jû keyna xo İdilea, yew ki lacê xo Taylano.

Nuştoği, 1992 ra nat taê Pêserokan de ebe namey xo ya ki nameo bin ra nuştey nuşti. O ra dıme nuştoğ wertey 2003-2006 de be zıwanê xo qezetay Munzuri vete. Na qezeta tarixê Tırkiya de be zıwanê Zazaki sıfteya. Nuştoğ nıka hem sitey interneti Bianet de hem ki qezetay Birgün de nusneno.

Eve Tarıxê Ho Têri Amaene kıtabê xoyo verêno. Nuştoği waşt ke kıtabê xoyo verên ebe zıwanê xo (Zazaki) veco. Ney ra ğeyri, kıtabê `38i sero, kıtabê hıquqi sero gurenayışê xo esto. Nezdi de nê kıtabanê xo ki veceno.

Hüseyin Aygün nıka programê weçinıtena Heziranê 2011ye de partiya CHPy de biyo namzedê mebusine.

Eserê Hüseyin Aygüniê ke neşr biyê

• Eve Tarıxê Ho Têri Amaene, Vejiyaişê Tiji, 2007

Çımey

• Hüseyin Aygün Archived 2011-04-21 at the Wayback Machine
• Sita İrterneti "Bianet"
• Qezeta "Birgün"
• Terteley dersimi chp kerd Archived 2011-11-28 at the Wayback Machine
• Aygün: Bu kitap tarihi bir dönemeç, Radikal, 22/10/2012.