Ebubekir Pamukçu

Wikipediya ra ensiklopediya xosere
Tılo bê pusula Tılo bê Geyrayışi
Ebubekir Pamukçu
Ebubekir Pamukçu.JPG
Melumato şexsi
Dewlete TırkiyaTırkiya
Cınsiyet Camêrd (d)
Bıyayış 2 Nisane 1946
Merdış 18 Temuz 199118 Temmuze 1991
Cay merdışi Stokholm
Gure Nuştekar (d)

Ebubekir Pamukçu yew nuştekar u siyasetkarê şarê Zazayan bi. 2.4.1946 de dewa Çermugi, Buderan de ameyo riyê dınya. Wendışê mektebê verêni dewa xo de qedêna u dıma kewt imtehanê mektebê malımiye u qezenc kerd. Mektebê malımiye Erğeni de wend u uca qedêna. Uca malımiye gırewte, labelê cayanê binan de malımiye kerde, zey Dêrsım u Pulur de.

Serra 1968ıne de Estenbol, Şile de zeweciya. Cı rê çehar teney domanê/qıcê xo biy. Bedêna Estamol de universıteo berz qedêna u tayê cayan de malımiye kerde. Serra 1970ıne de kıtabê ey Kurtuluş Savaşı neşr bi. Serra 1976ıne de Estamol de çapxaney (metbeay) kıtab-vetışi herina. Tıya de pêseroka Piya vete. Ena pêseroke de xeylê şıirê dewa (qewğa) xo zi estê.

Cuntay eskerê dewrê Kenan Evreni de malımiye ra erziya. O wext ey xeylê heqaret u işkence diyo. Peyniye de mecbur mend u welat terk kerd. Serra 1983ıne de ame İswec de mend. İsweç de zi pasif nêvınderd. Dewa Zazaistani rê, zıwan, kultur u tarixê Zazayan sero kar kerd. Seba zıwan, kultur u tarixê Zazayan serra 1985ıne de pêseroka Ayrey vete.

Serranê 1985-1987 miyan de 14 amarê Ayrey u serranê 1988-1992 miyan de zi anci 14 amarê Piya veti. Labelê serra 1991ıne de 18ê aşma/menga Temmuze de Stockholm de nêweşiya qanseri ra çımê xo nay werê u resa heqiya xo.

Kıtabi[bıvurne | çımey bıvurnê]

  • Ozanlar ve Yazarlar (antoloji)[1]
  • Kurtuluş savaşı (şiir)[2]
  • Mezarlığı Unutmak (şiir)[3]
  • Kediyi Niçin Öldürdüm (kıtabê domanan )[4]
  • Kızıl Saçlı Kız (kıtabê domanan)[5]
  • Kolumdaki Sancı (kıtabê domanan)[6]
  • Aşiyan (Tevfik Fikret biyografisi)[7]
  • Zazaca-Türkçe Sözlük (yayınlanmadı)
  • Dersim Zaza Ayaklanmasının Tarihsel Kökenleri. (Merdışê cı dıma isweç dı neşr biyo.)[8]

Bıvênên[bıvurne | çımey bıvurnê]

Çımey[bıvurne | çımey bıvurnê]