Fahri Pamukçu
| Fahri Pamukçu | |
|---|---|
| Melumato şexsi | |
| Biyayış | |
Fahri Pamukçu (Zazaki de Fexri), dewda Buderani (Çermug, Diyarbekır) dı roca 2.4.1947i dı ame dınya. Maya cı Zılfêya, piyê cı Kemalo.
Heyatê Fexri Pamukçu'y
[bıvurne | çımeyi bıvurne]Wendegewo verin dewda Alosi dı qedina. Serrda 1964i dı "Dicle İlköğretmen Okulu" qedina u bı muskar (mualım). Çıhar serri muskareya wendegedê verni kerdı. Serrda 1968 kewt "Gazi Eğitim Enstitüsü İngilizce Bölümü", ew 1971 dı no Enstitu ra mezun bı. Çıhar serri "Ağrı Kız İlköğretim Okulu" u "Kepirtepe Öğretmen Lisesi" dı muskareya İngilizki kerd. Dıma, serrda 1975i dı zew intıham ra ravêrd u tainê cı deya "Diyarbekır Eğitim Enstitüsü İngilizce Bölümü". No mabên dı, serrandê 1978-1979 dı Bursa Qonseya Ewropa gırewt u şı Britanya Gırde, wuza dı, "Universiteya Leeds dı Lengwıstık u Metodoloji" ser "Postgradute" vırast. Ayna o wext, serrda 1979i dı kıtabê cıyo İngilizki ra Tırki ser tadaye "Azgelişmişlik İçinde Geri Bıraktırılmışlık" (Under-Under Developmnet, Majeed Jafar), mexlas dê Ali Yıldızi ra "Yöntem Yayınları" dı veziya.
Qraliya Yewbiyayiye ra peyser ameyenı dı, muskareya xo "Yüksek Öğretmen Okulu İngilizce Bölümü" dı po berd; heta kı Gucugda 1982 dı Hukumatê 12 Êluli cı wezife ra est.
Nay sera, nuştoğine terk kerdı, ew hirê serri dı şirketandê ecnebiyan dı xebıtya. Serrda 1984i dı meselada siyasi ser kewt hepıs. Dı serri hepıs dı mend. Hepıs ra veziyayenı dı keyey xo wedarna İzmit. No bacar de zew mektebdo xususi dı des serri ra vêşi muskarin u qordinatoriya umuminı kerdı. Serrda 1995i dı "Anadolu Üniversitesi-İngiliz Dili Bölümü" ra diploma gırotı.
Neka, nuştekar hala no bacar de ronıştayewo, ew cehdê xo vêşi dawo xebatda zuwani-zuwandê Zazaki ser.
Wendexaneyê kı Fahri Pamukçu'y wendê
[bıvurne | çımeyi bıvurne]- Dicle İlköğretmen Okulu
- Gazi Eğitim Enstitüsü, İngilizce Bölümü
- Postgradute, University of Leeds
- Anadolu Üniversitesi, İngiliz Dili Bölümü
Eserê Fahri Pamukçuyê kı neşır biyê
[bıvurne | çımeyi bıvurne]- "Gıramerê Zazaki," Tij Yayınları, 2002 ISBN 975-8277-09-X
- Çarnoğê "Azgelişmişlik İçinde Geri Bıraktırılmışlık," Yöntem Yayınları, 1979
- Çarnoxê "Son İmparatorluk* Gendaş Kültür, Şubat 2005, (The Last Empire, Gore Vidal)
Heyatê gırwey
[bıvurne | çımeyi bıvurne]- Mualımê İngılizki, Ağrı Kız İlköğretim Okulu
- Mualımê İngılizki, Kepirtepe Öğretmen Lisesi
- Mualımê İngılizki, Yüksek Öğretmen Okulu, İngilizce Bölümü