Mehmet Ragip Karcı

Wikipediya, ensiklopediya xosere ra
Mehmet Ragip Karcı
Melumato şexsi
Dewlete Tırkiya
Cınsiyet Camêrd
Cayê biyayışi Sêwrege
Biyayış
Merdış (Karşıyaka Cemetery de merdo)
Cayê merdışi Anqara
Gure Hetenoğê filmi
Zıwani Tırki

Mehmet Ragıp Karcı, sera 1945 dı Süregı dı marda xü ra biyo. Mekteba sıfteyını Süregı dı wendo u Lise zi Erzınganı dı lisaya eskeriya (Erzincan Askeri Lisesi) dı wendo u dıma Diyarbekırı dı Ziya Gökalp lisesi dı wendenda xü yê lise domnao. Karcı, dıma lise Üniwersita Anqara, Fakültey Zıwan u Tarix-Coğrafya (Ankara Üniversitesi, Dil ve Tarih-Coğrafya Fakültesi) qedeynao. Wextê do derg qedemey dewleti dı ze memur gürweyao u dıma TRT dı biyo asistantê qemara u qısmê servisê (xızmetê) stüdyo dı gürweyao. U dıma qısmê TRT mıduryetê proxramê Kültür-Mısnayeni dı bi vıraştox u sazkerdox u uca ra bi emekli.

Mehmet Ragıp Karci rê vanê, merdımê ê sunniya, ê Nakşiya, raya Risale-i Nuri ra. U qandê kı Kêy Ceman (Cem Evleri) dı déweti (vêyvey) vıraşto, namey cı vıcyao "Dedı Yezid" (Yezid Dede).

Karcı, héyatê xü dı zaf çi vıraşto. Gürweyê kı wextê cı gıroto u o bı xü héyatê xü dao cı, nêyê: Qemeraman, fotograf, şair, nuştox, mélımê siyaqati u Tırkiya dı en gırd bestekarê deri u vatey u tembur vıraştox. Des ıngıştê Ragip Karci dı, des mérifet. Tayın merdımi êy rê vanê: alimê tembur u dêri, tayın tayıni vanê mélımê zıwandê Osmani, şair, nuştox, telebey nuran, xızırê Élewiyan u.ç.b (u çiyê bini).

Kıtabê cı[bıvurne | çımeyi bıvurne]

  • Yeni Bir Sevdâ Süleymânı, 1986
  • Bir Başkasının Kitabı, 1996
  • Yakarış Temrinleri, 2006

Çıme[bıvurne | çımeyi bıvurne]