Deniz Gündüz

Wikipediya, ensiklopediya xosere ra
Deniz Gündüz
Melumato şexsi
Cınsiyet Camêrd
Cayê biyayışi Varto
Biyayış
Gure Nuştekar

Deniz Gündüz yew romannuştekaro Zazakî yo.

Cuya ey[bıvurne | çımeyi bıvurne]

Deniz Gündüz çeleyê 1976î de dewa Vartoyî (Gimgim) Caneseran de ameyo dinya. Hema ke hîrêserre bîyo keyeyê înan bar kerdo, şîyê Uskira. Mektebo verên Uskira de wend. Mîyanên zî na dewe de dest pêkerd la Tetwan de temam kerd. Wendişê lîse zî, Bidlîs de dest pêkerd, Îzmîr de temam kerd. 1994 de Anadolu Üniversitesi ya Eskişehirî de qisimê Tarîxê Hunerî (Sanat Tarihi) de qeyda xo viraşte labelê wendişê xo temam nêkerd.

1996 de Îzmîr de temsîlkarîya Çapxaney Komalî kerde. Wexto ke no gure kerdêne, xo da xebata ziwanê Zazakî ser û dest pêkerd bi Kirmanckî nuşt. Serra 2000î de romanê xo Kilama Pepûgî ke romano yewin yê Kirmanckî yo, da çapkerdiş (neşirkerdiş). Serra 2003 de bi wasitayê Unîversitey Stockholmî Upsala de Kulturê Weqfa Kurdî de yew temrîn Zazakî wende. Badê ke Îswêc ra ageyra, Îstanbul de Weşanxaneyê Vateyî awan kerd. Û endî bi temamî xo da karê edebîyatî û çapkerîya (neşrîyatê) Zazakî ser. Pêseroka Vateyî ke Îswec de hetê Grûba Xebate ya Vateyî ra amade bena, Tirkîya de dano çap ro û vila keno. Heto bîn ra Çapxaneyê Vateyî de hetanî nika 23 teneyê înan Zazakî, 30 kitabî çap bîyê (neşir bîyê).

Kitabê ey[bıvurne | çımeyi bıvurne]

  1. Kilama Pepûgî, roman, Vejîyayîşê Vartanî, Anqara, 2000 (roman)
  2. Hîkayeyê Koyê Bîngolî, hîkaye, Weşanxaneyê Vateyî, Îstanbul, 2004
  3. Türkçe Açıklamalı Kürtçe -Kırmancca/Zazaca- Dil Dersleri, Weşanxaneyê Vateyî, Îstanbul, 2006, [ISBN 97-5627-810-2]
  4. Soro, Weşanxaneyê Vateyî, Îstanbul, 2010, 525 rîpelî (roman)
  5. Kalaşnîkof, Weşanxaneyê Vateyî, Îstanbul, 2013 (roman)