Deniz Gündüz
| Deniz Gündüz | |
|---|---|
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Varto |
| Biyayış | |
| Gure | Nuştekar |
| Zıwani | Tırki |
Deniz Gündüz, yew romannuştekaro Zazakî yo. Deniz Gündüz çeleyê 1976î de dewa Vartoyî (Gimgim) Caneseran de ameyo dinya. Hema ke hîrêserre bîyo keyeyê înan bar kerdo, şîyê Uskira. Mektebo verên Uskira de wend. Mîyanên zî na dewe de dest pêkerd la Tetwan de temam kerd. Wendişê lîse zî, Bidlîs de dest pêkerd, Îzmîr de temam kerd. 1994 de Anadolu Üniversitesi ya Eskişehirî de qisimê Tarîxê Hunerî (Sanat Tarihi) de qeyda xo viraşte labelê wendişê xo temam nêkerd.
Cuya ey
[bıvurne | çımeyi bıvurne]Deniz Gunduz, nuştoxê romanê Kırmanckî/Zazakî yo tewr veren o. Tarîxê 30.01.1976î de dewa Canesera yê Gimgimî/Varto de maya xo ra bî. Domanî û serrê verên ê ciwanîya xo Gimgim de derbaz bîy. Heta mektebo mîyanên dewa Uskira ya Gimgimî de wend. Lîse zî Bîtlîs de wende. Serra 1994î de dest pê wendişê tarîxê hunerî yê Unîversîteya Anadolu yê Eskîşehîrî kerd, peyê cû beşê xo vurena û eynî unîversîte de beşê Sosyolojî ra serra 2018î de mezun bî. Serra 2000î de romanê xo û yê kirmanckî yo verên Kilama Pepûgî weşena. Serra 2003î de bi vasitayê Veqfa Kulturê Kurdî yê Stockholmî Unîversîteya Upsalla de yew termîn kirmanckî wend. Eynî serre de Swed ra agêra û Îstanbul de seba weşananê kirmanckî Weşanxaneyê Vateyî na ro. Nê weşanxaneyî de heta ewro 130î ra zîyadêrî kitabî bi edîtorîya ey amey weşanayene û reyna binê banê nê weşanxaneyî de wayîrî û mudirîya karanê nuşteyan ê Kovara Vateyî kerde ke tewr peynî humara xo ya 82. ameye weşanayene. Hem nê weşanxaneyî hem zî sazgehanê cîyayan de bi serran derse kirmanckî dayî. Serra 2020î de Estîtuya Ziwananê Ganîyan ya Unîversîteya Artuklu ya Merdînî de bi tezê xo yê lîsansê berzî “Avesta Dili İle Kırmancca (Zazaca)’nın Karşılaştırılması: Etimolojik bir inceleme” bî mezun. Serra 2021î ra nat Enstîtuya Zanîstanê Komelkî/Sosyalan yê Unîversîteya Dîcle de beşê Ziwan û Kulturê Kurdan de wendekarê Doktora yo. Deniz Gunduz tebere weşangerî û nuştoxîye de seba averberdişê kirmanckî awanbîyayîşê Zarok TV ra dest pêkerd 2 serrî dublajê xêzêfîlman îdare kerd. Reyna serra Deniz Gunduz eynî wext de endamê Grûba Xebate ya Vateyî yo û waranê edebîyat, akademî û weşanî de dewamê xebatanê xo keno.
Kitabê ey
[bıvurne | çımeyi bıvurne]- Kilama Pepûgî, roman, Vejîyayîşê Vartanî, Anqara, 2000 (roman)
- Hîkayeyê Koyê Bîngolî, hîkaye, Weşanxaneyê Vateyî, Îstanbul, 2004
- Türkçe Açıklamalı Kürtçe -Kırmancca/Zazaca- Dil Dersleri, Weşanxaneyê Vateyî, Îstanbul, 2006, [ISBN 97-5627-810-2]
- Soro, Weşanxaneyê Vateyî, Îstanbul, 2010, 525 rîpelî (roman)
- Kalaşnîkof, Weşanxaneyê Vateyî, Îstanbul, 2013 (roman)
- Xapxapik, şîîr, Weşanxaneyê Vateyî, Îstanbul, 2014, 40 r. # # Avesta Dili İle Kırmancca (Zazaca)’nın Karşılaştırılması: Etimolojik bir inceleme, Vate Yayınevi, İstanbul, 2021
Açarnayişî
[bıvurne | çımeyi bıvurne]- Rayberê Gêrayîşî yê Dîyarbekirî; Açarnayox: Deniz Gunduz, Weşanê Serekîya Daîreya Kultur û Turîzmî ya Şaredarîya Şaristanê Pîlî yê Dîyarbekirî & Boyut Yayıncılık, İstanbul, 2011, 239 r
- Nutku, Ozdemir; Hunerê Dramî, Açarnayox: Deniz Gunduz, Komelaya Akademiya Sînemayê ya Rojhelata Navîn, Dîyarbekir, 2015, 305 r.
- Pêro Hûmarayê Kovara Mîzahî yê Zirîngî
Meqaleyê Akademîkî
[bıvurne | çımeyi bıvurne]- Deniz Gündüz, “Tarihsel Fonetik Bakımından Kırmancca ve Kurmancca”, Yazınsal Varoluştan Akademik Literatüre Kırmancca (Zazaca), Koordinatör: Shahap Vali, Vate Yayınevi, İstanbul, 2020, s.107-149
