Hawar Tornêcengi

Wikipediya ra ensiklopediya xosere
Jump to navigation Jump to search
Hawar Tornêcengi
Hawar Tornêcengi.jpg
Şinasnayiş
Hemwelatîye  Tırkiya
Bîyayiş 2 Çele 1957 (1957-01-02) (61

 )

Felsefe Raa Haqi, Elewi
Karê xo Nuskar

Hawar Tornêcengi yew nuskarê Zazakiyo. Serra 1957ine de Dêrsım de, dewa Pılemoriye Harşiya Lolu de ame dınya. Mektebo verên dewe de, mektebo wertên Pırdo Sur de, mektebê zenaete ki Erzıngan de wend. Serra 1977ine de welat ra veciya, ame Almanya. Frankfurt de mektebo berz ‘İnformatik’ wend.

Nıka Almanya de berfekina (tercumanina) Almanki, Tırki, Zazaki u Kırdaski keno. Zeweciyaeo, yew lacê xo esto.

Serra 1984ine ra nat zıwan u kulturê Zazay sero guriyeno u nusneno. Folklorê Dêrsımi (lawıki, şanıki, mertali, qesey pi u khalıkan), ’38 sero qalkerdena kokıman u çarnayışan sero gurenayışê xo hewna dewam keno.

Lawık u kılamê ke ardê pêser ya ki ebe xo nusnê, hetê taê hunerberzan (senatkaran) ra kaset u CDyan de vaciyê. Kıtabê xoyo verên ‘Dêrsım de duey, Qesê pi u khalıkan, Erf u Mecazi, Çıbenoki, Ğeletnaêni’ serra 1992ine de ebe embazanê xo Mustafa Duzgıni u Munzur Comerdi pia vet. Dıma, lawıkê qomiê ke kerd bi arê, ebe namey ‘Taê Lawıkê Dêrsımi (Şıwari)’ serra 1992ine de Çapxaney Berheme (Anqara) de veciyay.

Hetan nıka xeylê pêserokan u dezganê ma de emegê xo vêrdo. Raver redaksiyonê Berheme (İsweç u Tırkiya) de guriya. Hewna redaksiyonê Warey, vetena Tija Sodıri u Veciyayışê Tiji (Tij Yayınları) de emegê xo vêreno.

Kıtabê cı[bıvırne | çımey bıvırne]

Çımey[bıvırne | çımey bıvırne]