Karber:Ghybu/test

Wikipediya ra ensiklopediya xosere
Xıl de be pusula Xıl de cıgeyrayışi
Şıma xeyr amey Wikipediya Zazaki,

ensiklopediya xosere.

Heta nıka 12,922 nuştey tede estê.

Bluebg.pngText-x-generic with pencil-2.svgNuşteyê heftey
Hachiko.JPG

Hachikō (忠犬ハチ公) (b. 1923 - m. 1935), cınsê Akita ra kutıkê do namdar biyo. Haçiko merdışê wayirê xo profesor Hidesaburō Uenoi ra tepeya new serri o pawıto, wıni zi biyo namdar. No kutıko namdar Japonya de wılayetê Akita de qezay Odate de maya xo ra zao. Profesor Dr. Hidesaburō Uenoy ke Universıtey Tokyoy de Fakultey Zirati de wezifa kerdêne yew leyrê kutıki diyo serra 1924 de. Ey namey Haçiko dao nê kutıki ke o zi Japonki de "heştın"o, wıni maney cı esto. Haçiko ke cınsê akita ra kutıkê do sıpê biyo, her şodır pê wayirê xo şiyo istasyonê metroy, embazê eyê rae biyo.

Haçikoy her roce wayirê xo oğır kerdêne, tepeya zi ageyrêne. Şan zi ageyrêne verê berê istasyonê metroy u reyna wayirê xo pawıtêne. Cokao ke kutıko baqıl biyo, ey şao satanê şiyayış u ameyışê wayirê xo bıhesabno u bıfıkırno ke wayirê xo kamci rae ra şiyo, eyni rae ra yeno. Haçiko u profesor dı serri piya cıwiy. Haçikoy yew serre pêro her şodır wayirê xo ardo keyberê metroy, her şan de zi verê keyberê metroy de o pawıto. Sata xo qet şaş nêbiya. Rocê wayirê xo profesor universıte de krizê qelbi ra merdo.

Haçiko merdışê profesori ra tepeya new (9) serri her şan dı ameo verê keyberê metroy u pawıto ke profesor bêro. New serri ra tepeya zi o zi merdo. Sedaqatê nê kutıki o zaf kerdo namdar. Ewro verê metroy Tokyo - Shibuya de heykelê cı vıraziyao, esto. Sero film zi anciyao dewamê cı...

Bluebg.pngText-x-generic with pencil-2.svgNuşteyê heftey
Old book bindings.jpg

Edebiyat ya zi literatur yew hunerê ifadekerdışê hedise, fıkır, delğe, ğeyal, hisano. Edebiyat de pêro ninan pê yew zıwano estetik ifade benê. Coka zi zıwan edebiyat de çiyê do muhimo. Pê mena kılmeke edebiyat nuştê ke formê huneri ra nuşiyenê, êyê. Zerrey edebiyati de tewrê zey roman, şıir, estanıki, hêkati u formê bini estê. Eserê edebi benê estetik, zerrey merdımi ra çı veciyeno se ey mocnenê. Edebiyati rê zafêrê zıwananê Hind-Ewropa de, bilxasa zıwananê Ewropa de, vanê literatur. Literatur zi hetê rıçıki ra Latinki rao literatura/litteratura ra vıraziyao. Literatura/litteratura zi fına Latinki ra fêlê littera ra yeno, littera Latinki de mektubi rê, nuşteo ke pê desti nuşiyao, vıraziyao rê vanê. Tarixê edebiyati zaf kıhano, key ke merdım veciyo miyan, edebiyat zi piya veciyo. Merdımi estiya xo ra nat biy elaqadarê edebiyati, nuştê edebi vetê miyan. Edebiyat tek teyna pê nuştışi nêbeno, vatış zi edebiyat de esto, kewno miyanê edebiyati. Taê eseranê edebi yenê kerdış pê vatış, ê bini zi yenê kerdış pê nuştış. Her dı formi zi guriyenê edebiyat de. Platon eserê xo dewlete de edebiyati sero vano ke asayışê heyatê ma de se beno, senên beno se pêro edebiyato. Georgi Plehanov zi edebiyati sero vano ke edebiyat eyney heyatê merdımio.

Rıçıkê çekuya edebiyati Erebkiyo. Erebki de çekuya 'adabiyyāt'i (أدبيّات) ra yeno, uca ra kewto Zazaki u zıwananê binan. Edebiyat zi rıçıkê 'adab'i (أدب) ra aferniyao, terbiya, meymandari, zanayış, edeb u adabi rê vaciyeno. Edebiyat zafêrina adabi rê vaciyao. dewamê cı...

Bluebg.pngWikimedia-logo.svgProceyê bıray