Hindıstan

Hindıstan
Desmal û Arma
Melumat
Ware	Dewlete
Mıntıqa	Asyaya Veroci
Embıryani	Nepal, Bengladeş, Butan, Myanmar, Pakıstan, Cumhuriyetê Şariê Çini, İndonezya û Sri Lanka
İdare	Executive branch of the government of IndiaParliament of India
Erd	3 287 263 km2
Nıfus	1 326 093 247
Hıkumet	Cumhuriyeto federal
Serdar	Droupadi Murmu
Kodê telefoni	+91
Leteyê saete	Indian Standard Time
Kodê interneti	.in
Zıwano resmi	Hindki û İngılızki
Merş	Jana Gana Mana
Cayo tewr berz	Kanchenjunga
Cayo tewr nızm	Kuttanad
Pere	Indian rupee
Ravêrşiyayışê heqa merdıman	0,63
Xerita

Hindıstan yew dewleta. Cayê xo verocê Asya dero. Dewleta Hindıstani zaf gırda; dınya de hewtına (7). Zımey Hindıstani de Nepal, Tibet, Çin u Buhutan; verocê xo de Okyanuso Hint u Sri Lanka; rocvetış de Bengladeş u Burma; rocawan de Pakıstan u Deryayo Ereb ca geno. Paytextê Hindıstani Newê Delhiyo. Hindıstan 28 eyaletan ra yeno pêra (mıteşekkıla). Hindıstan ezayê Mıletê Yewbiyayey u G20iyo. Sistemê idarey demokrasiya.

Tarix

Tarixê Hindıstan dewlemendiyo. Tewr verini de Medeniyetê Hindus Valey Hindıstan de ronışti bi. Feqet wextê İsay ra ravêr (İ.R.) 1500 de aşiratanê Aryani amey Hindıstan. Dıme Yunanan, İranan, Ereban u Moğalan Hindıstan işğal kerd. Seserra 18 de şarê Ewrope (Portekizan, Fransızan, İngilizan) amey Hindıstan. Feqet serra 1861 de Hindıstan pêro biye koloniy/mıstemera Britanya. Şarê Hindıstani zaf isyanan kerd; feqet Britanya semedê dinanê Hinduism u İslam ra kontrolê xo ard. Serra 1947 de Mahatma Gandhi esqerê Britanya fetılna. Feqet dewletê Hindıstani biye lete, Pakıstan niyay ro. Semedê Keşmır, beneta Pakıstan u Hindıstan hewl niya.

İklim u Bacari

Erdê Hindıstan zaf hira u gırdo. Ayra iklimê Hindıstan zaf vuriyeno. Zımey Hindıstani hem kıla hem honıka. Labelê verocê xo zaf germıno, zaf varan vareno. Laseran zaf zerar dan.

Bacarê Gırdi:

• 1. Mumbai, Nıfuse: 12,883,645
• 2. Delhi Newe, Nıfuse: 11,215,130
• 3. Bangalore, Nıfuse: 5,104,047
• 4. Kolkata, Nıfuse: 4,638,350
• 5. Chennai, Nıfuse: 4,352,932

Bacarê Mumbai zaf raver şiyê. Mumbai bına u banê xeylê berzi estê, bacarê dewiziyo, paytextê borsayo, merkezê iqtısadê Hindıstaniyo. Mumbai merkezê film u xeceliyayışiyo. Ballywood Mumbai ra zaf nezdiyo.

Nıfus

Nıfusê Hindıstan 1,1 milyara; dınya de dıyina (2). % 70 sarê Hindıstan dewıca. Nuşkar u wendoğê xo zaf niya (%65). Nêweşiyê AIDSi Hindıstan de yew problema gırdo. 5.8 milyoni şarê Hindıstani kewtê nêweşiyê AIDSi. Hindıstan de mıxtelıf dini estê: Hinduism, İslam, Musewi, Xrıstiyani, Zerduşti u Bahai. Zıwano resmi zafo; Hindki, İngilizki u xeylê Zıwanan.

İqtisad

İqtısadê Hindıstan beno gırd. Her serre iqtısadê Hindıstan % 8 beno pil. Hindıstan zaf idxalat (eksport) keno. Semedê ercaniya karkerano ra, şırketanê Dewletanê Amerikayê Yewbiyayiyan zaf fabrikan vırazenê. Endustriyê komunikasyon, komputer u tıb Hindıstan de raver şiyê.

Çımey

• Siteye Dewlete Hindıstan
• CIA World Factbook - Hindıstan