Zazakipediya:Mirzali Zazaoğlu

Wikipediya, ensiklopediya xosere ra
(Mirzali Zazaoğlu ra ame ardış)
Zazakipediya:Mirzali Zazaoğlu
Melumato şexsi
Dewlete Almanya
Cınsiyet Camêrd
Cayê biyayışi Pılemoriye
Biyayış

Mirzali Zazaoğlu (nameyê xoyo raştıkên Yaşar Kaya) serra 1967ıne de dewa Pılemoriye Qızılmescidi de ame riyê dınya. Keyeyê xo tayê serran ra têpiya bar kerdo, ameyo Gemlik (Bursa). Tiya mektebo verên qedêna. Serra 1980ıne de piyê xo, o be ma û bıran û waya xo ra ardi Almanya. Aye ra nat na dıwele de weşiya xo rameno. Uca şi mektebê miyanêni (Gesamtschule).

Mektebi ra dıme xeylê serri mıxtelıf cayan de kewt kar guriya. Mabênê na serran de kari ra dıme şandane şi mektebê şani (Abendschule) û tebera diplomê mektebê serêni (lisa) (Realschulabschluss) gırewt. Serra 1995ıne de kewt yew firma tekstili (Blusen Neumann), senate mısa û bi derzi (deştoğê kıncan). Na firma de anciya moda û dizayni sero terbiyet di.

Ey verênde ra (domaniya xo de) Zazaki fam kerdêne û pilanê xo de qesey kerdêne, hema nuştena cı nêzanıtêne. Serra 1990ıne de dest kerd zıwanê ma û piyê xo, gına sero, mısa. Seba zıwani ra serra 1990ıne de şi Pılemoriye xeylê aşmi mend. Uca xeylê dewan ra feteliya û çekuy û sanıkê Zazaki day arê. Na semed ra ey xeylê kıtab û pêserokê Zazaki day ardene û wendi.

Serra 2006ıne de zaf bi nêweş. Seba qanseri ra mabênê heşt aşman de têdıma şeş seansê kemoterapiye diy. Hewna ki tedawiyê xo dewam keno û na sebeb ra ilacan gêno. Nêmserre de reyê şono qontrolo pil û çekap dano vıraştene.

Hetan nıka hewna çekuyanê Zazaki keno arê û gramerê zıwani sero guriyeno. Nıka Berlin de interneti sera, ebe tayê embazanê binan ra pela Wikipediyaya Zazaki idare keno.

Bıvênên